आरती नंतर कोणती प्रार्थना म्हणावी?
- हे 'प्रभू'! विभू ! सच्चिदानंदघन परमेश्वरा करुणार्णवा ! तू दयाळू, कृपाळू, कनवाळू आहेस.
- तू आर्तदानी, अनिमित बंधू जीवोध्दरण व्यसनी, शरणांगत वज्रपंजर आहेस.
- तू अनाथनाथ भक्तवत्सल, पतितपावन नित्यमुक्तीदायक आहेस.
- तू सकलगुणनिधान, सर्वसाक्षी, अच्युत, अविनाशी मंगलकारक आहेस.
- मी मळसृष्टीपासून अनंत जन्माचा अनाचारी आहे.
- काम, क्रोध, लोभ, मोह, मद, मत्सरादी अनेक दोषांनी नखशिखांत भरलेला आहे.
- मी अनंत सृष्टीचा प्रमादिया असून कुटील, अधम, पामर, क्रूर, निष्ठुर, घातकी आहे.
- मी राजसी, तामसी, अहंकारी, अविचारी, दोषदर्शी, वर्मस्पर्शी, गुरुद्रोही, मार्गद्रोही, विश्वासघातकी, नित्यनर्की व अपवित्राहून अपवित्र आहे. किंबहुना मी सर्व दोषांचे आळे आहे.
- माझ्या कडून कळत नकळत जी पापे घडली असतील त्या सर्वांची सदयांत:करणाने क्षमा करावी.
- इष्ट क्रिया घडवून सकळ अनिष्टांपासून रक्षावेजी !
- आपले ज्ञान-दान, प्रेमदान, भक्तीदान देवून व सेवादास्य घडवून मज अपवित्राते पवित्र करावेजी !
- या दु:खमय संसारापासून सोडवून मज किंकराला आपल्या आनंद स्वरूपी पावन करावे जी.
सर्वज्ञ श्री चक्रधर स्वामी चरणी माझे साष्टांग दंडवत
कोणत्याही टिप्पण्‍या नाहीत:
टिप्पणी पोस्ट करा